معكرونه بالبيتزا

الجمعة 03 يونيو 2011 20:00 بواسطة محررات موقع جمالك
المقادير
بسم الله ابتدي ,, المطلوب خضروات مشكله زيتون اسود واخضر منزوع النوى + طماط مقطع صغار + فليفلات انا استخدمت حمره وخضره .. او اذا حابين اي زياده انتو ع راحتكم ,,
طريقة التحضير
نروح للحشوة انا اخترت حشوة الدياي وابمكانكم استخدام التونه او اللحم المفروم عاد كل وحده وخلطتها السريه ,, انا حشوتي عباره عن بصل + طماط + كركم وبهارات هنديه وحطيت كاري فلفل احمر وفلفل اسود قليل ولاتنسون الملح وفي النهايه حطيت شو ي جبن سائل عشان الطعم وطبعا المعكرونه تسلقونها عادي وبعدين تصفونها من الماي تخلطون 1 قشطة مع 3 ملاعق جبن سائل كرافت وتضيفونهم للمعكرونه لين ماتتشرب المعكرونه فيهم .. بعد ماجهزنا كل اللي ذكرته ,, انييب بايركس للفرن ونحط فيه اول شي طبقه من المعكرونه بعدين نحط حشوة الدياي وفوق الحشوه نحط طبقه من المعكرونه نخلط الخضروات مع بعض الزيتون والطماط والفلفل الاخضر نضيف الخضروات على المعكرونه آخر خطوة نحط جبن موزاريلا فوق الخضروات وندخلها الفرن ونتريا عليها لين ماتذوب الجبنه ,, وصحتين وعافيه ..
التعليقات
    التعليقات على 'معكرونه بالبيتزا'
  • أنوار
    الخميس 11 اكتوبر 2012
    بصحة وهنا
إضافة تعليق
  • عدد الاحرف المتبقية:200